പറക്കോടന് " എന്ന് വിളിച്ചിരുന്ന ഒരു ആന പണ്ടുണ്ടായിരുന്നു. ഞങ്ങളുടെ അമ്പലത്തിലെ ഉത്സവത്തിന്, എന്റെ ബാല്യകാലത്ത്, പതിയെ, ആ വൃദ്ധനായ ആന നടന്നു വരുന്നത് ഓര്ക്കുന്നു. ആനയുടെ കൂടെ അമ്പലത്തിലേക്ക് നാട്ടുകാരുടെ ഒരു പട തന്നെ കാണുമായിരുന്നു. അവരെല്ലാം കൂടി ച്ചേര്ന്ന് ആനയെ മതില്ക്കകത്ത് എത്തിച്ച് ആനയുടെ ആരോഗ്യസ്ഥിതി, തലയെടുപ്പ്, ദേഹത്ത് മുഴുവനുമുള്ള പാണ്ട് കൂടിയ കഥകള് എന്നുവേണ്ടാ സകല കാര്യങ്ങളും ചര്ച്ച ചെയ്ത് അങ്ങനെയിരിക്കും. പറക്കോടന്റെ വരവ് ഒരു ആഘോഷം തന്നെയായിരുന്നു.
പത്തു ദിവസം നീണ്ടു നില്ക്കുന്ന ഉത്സവത്തിന്റെ അവസാനത്തെ നാല് ദിവസമാണ് "വലിയ ഉത്സവം" മൂന്നാനപ്പുറത്ത് എഴുന്നള്ളത്തും കഥകളിയും കച്ചേരികളും ബാലേയും മറ്റും മറ്റും ... മൂന്നാനകളില് നടുക്ക് തലയെടുപ്പോടെ നില്ക്കാന് പറക്കോടന് തന്നെ വേണ്ടിയിരുന്നു, ഒരു കാലത്ത് ...
