MT വാസുദേവന് നായരുടെ ‘രണ്ടാമൂഴ‘ത്തിന്റെ ഇംഗ്ലീഷ് പരിഭാഷ പ്രേം പണിക്കര് പൂര്ത്തിയാക്കിയിരിക്കുന്നു. അദ്ദേഹത്തിന്റെ ഈ പരിഭാഷ ഇപ്പോള് നമുക്കെല്ലാവര്ക്കും PDF -ല് കിട്ടും. പ്രേമിന്റെ ഉദ്യമത്തിനും വിശാലമനസ്ക്കതയ്ക്കും എന്റെ കൃതജ്ഞത രേഖപ്പെടുത്തട്ടെ.
നോവല് ഇവിടെ കിട്ടും -->
പ്രേം പണിക്കരുടെ ബ്ലോഗ്.
Monday, November 30, 2009
MT വാസുദേവന് നായരുടെ ‘രണ്ടാമൂഴ‘ത്തിന്റെ ഇംഗ്ലീഷ് പരിഭാഷ
Marriott Newport Coast, California: വിവരണവും ചിത്രങ്ങളും.
മാരിയറ്റ് തെക്കന് കാലിഫോര്ണിയായിലെ ന്യൂ പോര്ട്ട് ബീച്ചിനടുത്ത് ഒരു അതിമനോഹരമായ റിസോര്ട്ട് പണിഞ്ഞിട്ടുണ്ട്. അവരുടെ timeshare ന്റെ ഭാഗമായാണിത് ഒരുക്കിയിരിക്കുന്നത്. ഇറ്റാലിയന് (Tuscan) മാതൃകയില് നിര്മ്മിച്ചിരിക്കുന്ന ഈ റിസോര്ട്ടില് ഒരാഴ്ച താമസിക്കാന് ഏകദേശം $2000 ഒക്കെ കൊടുക്കേണ്ടിവരും. എന്റെ ഒരു സുഹൃത്തുവഴി തരക്കേടില്ലാത്ത റേറ്റിന് എനിക്കിത് കിട്ടുകയും കഴിഞ്ഞ ഫെബ്രുവരിയില് ശിവക്കുട്ടന്റെ അര്ദ്ധ-ഹേമന്ത-അവധിക്കാലത്ത് അവിടെ താമസിക്കാനുമൊത്തു.
University Of California, Irvine ക്യാമ്പസില് നിന്നും 6 മൈല് അകലെ ശാന്തസമുദ്രതീരത്താണിതുള്ളത്. റിസോര്ട്ടില് നിന്നും അരമൈല് അകലെ ബീച്ചിലേക്ക് നടന്ന് കടലോരത്ത് സമയം ചിലവഴിക്കാന് പല ദിവസവുമൊത്തു. ഡിസ്നിലാന്ഡില് പോകാനാഗ്രഹിക്കുന്നവര്ക്കും ഇതൊരു നല്ല താവളമായിരിക്കും. DL മുപ്പതു മിനിട്ട് അകലെയാണ്.
റിസോര്ട്ടില് 2 ബെഡ്റൂം യൂണിറ്റുകളാണുള്ളത്. എല്ലാവിധ പാചക സാമഗ്രികളടങ്ങിയ അടുക്കളയും, സ്വീകരണമുറിയും, jetted tub ഉള്പ്പെട്ട കുളിമുറികളും, plasma TV യും മറ്റുമുള്ള കിടക്കമുറികളുമെല്ലാം നമ്മുടെ സൌകര്യത്തിനായി ഒരുക്കിയിട്ടുണ്ട്.
റിസോര്ട്ടിന്റെ ചില ചിത്രങ്ങളിതാ.
അതിമനോഹരങ്ങളായ രണ്ട് നീന്തല്ക്കുളങ്ങളുണ്ടിവിടെ. അവയോട് ചേര്ന്ന് restaurants ഉള്ളതിനാല് pool-നു സമീപമിരുന്ന് ഭക്ഷണം കഴിക്കുകയുമാവാം.
ഞങ്ങളുടെ യൂണിറ്റില് നിന്നുള്ള കാഴ്ച.
നീന്തല്ക്കുളത്തിന്റെ കരയില് ഈ വലിയ ചതുരംഗക്കളവും കരുക്കളും നമ്മെ കാത്തിരിക്കുന്നു.
ലോബിയില് നിന്നു നോക്കിയാല് നീന്തല്ക്കുളങ്ങും അതിനപ്പുറം കടലും കാണാം.
തണുപ്പുകാലത്ത് ഈ തീക്കുണ്ടത്തിന് ചുറ്റുമിരുന്ന് marshmallow ചുട്ട് കഥകളും പറഞ്ഞിരിക്കാം.
Putting Green and basketball court. നമുക്ക് മിനിയച്ചര് ഗോള്ഫും ബാസ്കറ്റ്ബാളും കളിക്കാനായി വെടിപ്പുള്ള കോര്ട്ടുകളുണ്ട്. തീരെ ചെറിയ കുട്ടികള്ക്ക് play structure-ഉം.
റിസോര്ട്ടില് നിന്ന് 10 മിനിട്ടു നടന്നാല് കടലോരത്തെ ക്രിസ്റ്റല് കോവ് പാര്ക്കിലെത്തും. അവിടെ നടക്കാനും സൈക്കിളോടിക്കാനും മറ്റുമുള്ള ട്രെയിലുകളും ഉണ്ട്.
crystal-cove-walk
crystal-cove-beach
newport-coast-sign
ലഗുണാ ബീച്ച് അടുത്തുള്ള മറ്റൊരു മനോഹരമായ കടലോര ഗ്രാമമാണ്.
ലഗുണാ ബീച്ചിലെ restaurant
I-5 ഹൈവേയിലൂടെ ഓടിച്ചു വരുമ്പോളെടുത്തത്. മേഘാവൃതമായ ആകാശം... :)
Thursday, November 12, 2009
ഗംഗോത്രിയിലെ മുത്തശ്ശി
ഗംഗോത്രിയിലെ രണ്ടാം ദിവസം. രാവിലത്തെ ദര്ശനം കഴിഞ്ഞ് നേരത്തേ പറഞ്ഞേര്പ്പെടുത്തിയിരുന്ന പ്രസാദം വാങ്ങാന് കാത്തിരിക്കുമ്പൊഴാണ് ഈ മുത്തശ്ശിയെ വീണ്ടും കണ്ടത്. 18 കിലോമീറ്റര് മേലെ, ഗോമുഖ്-ല് മഞ്ഞുരുകി ഒഴുകിയെത്തുന്ന ഗംഗയ്ക്കും മഞ്ഞിന്റെ തണുപ്പു തന്നെ. സ്നാനഘട്ടിലിറങ്ങി, ഒഴുക്കില്പ്പെടാതെ ആ തണുത്ത വെള്ളത്തില് കുളിച്ചു ശുദ്ധിയോടെ, പതിയെ കയറി വന്ന ആ മുത്തശ്ശിയെ ഞാന് നേരത്തേ ശ്രദ്ധിച്ചിരുന്നു.
ഒരു ഫോട്ടോ എടുക്കാന് സമ്മതിക്കുമോ എന്ന് എന്റെ മുറി-ഹിന്ദിയില് ഞാന് ചോദിച്ചപ്പോള് ‘ഈ വയസ്സിയുടെ ഫോട്ടോ എന്തിനാണു കുഞ്ഞേ?’ എന്നവര് മറുചോദ്യം ചോദിച്ചു. നിങ്ങള് എന്റെ മുത്തശ്ശിയെ ഓര്മ്മിപ്പിക്കുന്നു, നിങ്ങളുടെ വിടര്ന്ന ചിരി എന്റെ മുത്തശ്ശിയുടെ പോലെ തന്നെ എന്നുള്ള എന്റെ മറുപടി ഇഷ്ടപ്പെട്ടു. പക്ഷേ പടമെടുത്തപ്പോള് പുഞ്ചിരിയില്ലായിരുന്നു, മറിച്ച് തീക്ഷ്ണമായ നോട്ടം മാത്രം...
ജീവിതയാത്ര അവസാനിക്കുന്നതിനു മുമ്പ്, തന്റെ സകല സങ്കടങ്ങളും സ്വപ്നങ്ങളും ഗംഗാമാതയുടെ കാല്ക്കല് അര്പ്പിച്ച് അവിടുത്തെ മുന്പില് പുജ ചെയ്ത് തിരികെ തന്റെ ഗ്രാമത്തിലേക്കു മടങ്ങുമ്പോള് അവര് എന്തായിരിക്കും ചിന്തിച്ചിട്ടുണ്ടാകുക?
Wednesday, June 17, 2009
ഫോട്ടോ ബ്ലോഗ് - യോസമിറ്റിയിലെ HalfDome മലകയറ്റം
ഞങ്ങള് കുറച്ചു മലയാളികള് അമേരിക്കന് ദേശീയ പാര്ക്കുകളില് വിഖ്യാതമായ ‘യോസമിറ്റി’യിലെ ഹാഫ്-ഡോം എന്ന പാറ കയറാന് ഈ മാസം ആദ്യം പോയിരുന്നു. വിവരണവും ചിത്രങ്ങളും ഇവിടെ...
http://www.empran.com/halfdome
Monday, April 13, 2009
വസന്തം കാലിഫോര്ണിയയിലെത്തുമ്പോള്
മഴക്കാലം മരതകപ്പട്ടുടുപ്പിച്ച മലനിരകളും കാട്ടുപൂക്കളുമൊക്കെയായി ഞങ്ങളുടെ മനസ്സില് കുളിരുവാരിയെറിഞ്ഞെത്തിയ വാസന്തത്തിലെ ചില ദൃശ്യങ്ങളിതാ...
Fremont Mission Peak: Hills
The Tamil group at the summit of Mission Peak.
Rajesh and Jose on the new trail @ Mission Peak
Rocks on Mission Peak hike
Wild Flowers on the seldom-used trail on the South side of Mission Peak.
Vasona Park in Los Gatos on a cloudy day. April 2009.
Vasona Park was transferred into a magical place on this cloudy spring day.
Sunlight hit at various spots through the clouds creating an ethereal feel to the landscape.
It was fun to watch different kinds of clouds appearing over the park.
The tree branches were creating art of their own, against the cloudy sky.
Tuesday, April 07, 2009
കാലിഫോര്ണിയാ ഗ്രാമത്തിലൂടെ ഒരു യാത്ര (ഫോട്ടോ/വീഡിയോ ബ്ലോഗ്)
കുറച്ചു നാളുകള്ക്ക് മുന്പ് (ഞങ്ങളുടെ യോസമിറ്റി യാത്രയെപ്പറ്റി എഴുതിയപ്പോഴാണെന്നാണോര്മ്മ) ആരോ കമന്റില് എഴുതിയിരുന്നു, അമേരിക്കന് ഗ്രാമങ്ങളുടെ പടങ്ങള് കാണാന് താല്പ്പര്യമുണ്ടെന്ന്. കുറച്ചു പടങ്ങളും വീഡിയോയും ഇവിടെ ചേര്ക്കുന്നു. വണ്ടിയോടിക്കുമ്പോഴെടുത്തതിനാല് ചിലതൊക്കെ blurred ആയിട്ടുണ്ട്. ക്ഷമിക്കുമല്ലോ? :*)
ഓറിഗണ്, വാഷിങ്ടണ്, നെവാഡ, യൂട്ടാ, അരിസോണാ എന്നീ സംസ്ഥാനങ്ങളിലൂടെ വണ്ടിയോടിച്ചു പോകുമ്പോഴും ഇതുപോലുള്ള കാഴ്ചകള് തന്നെയാണ് കാണാന് കഴിഞ്ഞത്. (State-ല് നിന്ന് state-ലേക്കു പോകുമ്പോള് ജീവിത രീതിക്കും സംസ്ക്കാരത്തിനും വലിയ വ്യത്യാസമൊന്നുമില്ല!)
ഗ്രാമങ്ങളില് മിക്ക കുടുംബങ്ങളും കര്ഷകരുടേതാണ്. ഒരു വീടും, പശു,കുതിര, പന്നി തുടങ്ങിയ മൃഗങ്ങളെ കാത്തു സൂക്ഷിക്കാനുതകുന്ന barn -കളുമാണ് സാധാരണ കാണുന്നത്.
ചിലയിടങ്ങളില് തക്കാളി, മുളക്, സ്ട്രാബറി തുടങ്ങി പച്ചക്കറികളും പഴങ്ങളും വില്ക്കുന്ന സ്റ്റാന്ഡുകള് കാണാം.
ഈ വീടിനോടനുബന്ധമായി കുടങ്ങളും, പൂന്തോട്ടങ്ങള് അലങ്കരിക്കാനുതകുന്ന pottery യും വില്ക്കാന് വച്ചിരിക്കുന്നതു കാണാം.
താഴെക്കാണുന്ന വീഡിയോ കാലിഫോര്ണിയയിലെ Farmington ല് നിന്നും Escalon എന്ന സ്ഥലത്തേക്ക് ഒരു rural road - ലൂടെ യാത്ര ചെയ്യുമ്പോഴെടുത്തതാണ്...
ഓറിഗണ്, വാഷിങ്ടണ്, നെവാഡ, യൂട്ടാ, അരിസോണാ എന്നീ സംസ്ഥാനങ്ങളിലൂടെ വണ്ടിയോടിച്ചു പോകുമ്പോഴും ഇതുപോലുള്ള കാഴ്ചകള് തന്നെയാണ് കാണാന് കഴിഞ്ഞത്. (State-ല് നിന്ന് state-ലേക്കു പോകുമ്പോള് ജീവിത രീതിക്കും സംസ്ക്കാരത്തിനും വലിയ വ്യത്യാസമൊന്നുമില്ല!)
Monday, April 06, 2009
Reno - യിലേക്കൊരു ട്രെയിന് യാത്ര (ഏപ്രില് 2001)
സാന് ഫ്രാന്സിസ്ക്കോ ഉള്ക്കടല് തീരത്ത് നിന്നും ട്രെയിനില് പലയിടത്തും ദൂരയാത്രയ്ക്കു പോകാനൊക്കുമെങ്കിലും അവ സമയനിഷ്ഠത കാണിക്കാത്തതിനാല് ആളുകള്ക്ക് ഇവിടെ ട്രെയിന് യാത്രയോട് അത്ര മതിപ്പില്ല. വിമാനയാത്രക്കൂലി തീവണ്ടിക്കൂലിയെക്കാള് കുറവായതും മറ്റൊരു കാരണമാണ്. .
എന്നിരുന്നാലും ഒരു ചെറിയ ട്രെയിന് യാത്രയ്ക്കു പോയാലോ എന്ന് ഞങ്ങള് പലപ്പോഴും വിചാരിച്ചിരുന്നിട്ടുണ്ട്. അങ്ങിനെയാണ് അടുത്തുള്ള ചൂതാട്ട നഗരമായ Reno- യില് തീവണ്ടിയില് പോയിക്കളയാമെന്നു തീരുമാനിച്ചത്. കാറില് പലവട്ടം പോയ സ്ഥലമാണ്. ഇവിടെ നിന്നും 4.5 മണിക്കൂര് കൊണ്ട് ഡ്രൈവു ചെയ്ത് എത്താവുന്ന സ്ഥലമാണ്. രണ്ടു ട്രെയിന് മാറിക്കയറി പത്തു മണിക്കൂറോളം ചിലവഴിച്ചാല് (ട്രെയിനുകള് സമയത്തിന് വന്നു കിട്ടിയാല്) സാന് ഹോസേ-യില് നിന്ന് റീനോയ്ക്കെത്താം.
2001 -ലെ മഞ്ഞുകാലത്ത് ഞങ്ങളുടെ ആറു വയസ്സുകാരനെ ട്രെയിന് യാത്രയ്ക്കു കൊണ്ടുപോകാന് ഞങ്ങള് തീര്ച്ചയാക്കി.
രണ്ടു ട്രെയിനുകളാണ് നമുക്കെടുക്കേണ്ടത്.
- ഒന്ന്: San Jose - to Emeryville (Amtrak Capitol Corridor): San Jose യില് നിന്ന് സംസ്ഥാന തലസ്ഥാനമായ Sacramento വരെ പോകുന്നതാണിത്. Commuter ട്രെയിന് ആയതു ക്കാരണം ഇരുന്ന് സഞ്ചരിക്കാനുള്ള സൌകര്യമാണിതിലുള്ളത്. (ബെര്ത്തും ബര്ത്തുമൊന്നുമില്ല!)
- രണ്ട്: California Zephyr Superliner. “യെവന് പുലിയാണ്, കേട്ടാ...” സാന് ഫ്രാന്സിസ്ക്കോയുടെ കിഴക്ക് Emeryville-ല് നിന്നു തുടങ്ങി അങ്ങു ഷിക്കാഗോ വരെ ഓടും. കിടന്നുറങ്ങാന് പ്രൈവറ്റ് മുറികളും ഒക്കെയുണ്ടിതില്. Lounge car, Vista dome chair (observation), Diner car തുടങ്ങി എല്ലാ സംവിധാനങ്ങളുമുള്ള ദൂരയാത്രയ്ക്കു സജ്ജമാക്കിയ വണ്ടിയാണിത്.
Amtrak Capitol Corridor ട്രെയിനിനു മുന്പില് (Sacramento Station)
California Zephyr സ്റ്റേഷനിലെത്തുന്നു
“അമ്മ relax ചെയ്യുവാണോ....?”
Observation Car-ല്
മഞ്ഞു പെയ്യുന്നതും നോക്കി...
California Zephyr മഞ്ഞു മൂടിക്കിടക്കുന്ന Sierra Nevada പര്വ്വതനിരകളിലൂടെ കടന്നു പോകുന്നു.
റീനോയില് വണ്ടിയെത്തിയപ്പോള് മഞ്ഞുപെയ്യുന്നുണ്ടായിരുന്നില്ല. ഞങ്ങള്ക്ക് അടുത്തുള്ള താമസസ്ഥലത്തേക്കെത്താന് അതിനാല് പ്രയാസമില്ലായിരുന്നു. അതുകഴിഞ്ഞ് രാത്രിയില് വീണ്ടും നഗരം കാണാനിറങ്ങിയപ്പോള് മഞ്ഞു വീണുകൊണ്ടിരുന്നു. പതുപത്തുത്ത മഞ്ഞിന് പൂക്കള് ആകാശത്തു നിന്നടര്ന്നു വീഴുന്നതും നോക്കി ഞങ്ങള് നടന്നു.
അടുത്ത ദിവസം ഞങ്ങള് തിരിച്ചു വണ്ടി കയറാന് സ്റ്റേഷനില് എത്തിയപ്പോഴാണറിഞ്ഞത്, അത് 3 മണിക്കൂര് വൈകിയാണു വരുന്നതെന്ന്! (വണ്ടിയുടെ സമയം മാറിയോ എന്ന് തിരഞ്ഞിട്ടു വേണം എത്താനെന്നുള്ള സാമാന്യ ബുദ്ധി തോന്നിയില്ല!)
പിന്നെ ഞങ്ങള് ട്രാക്കില് കളിച്ചും Fire Engine നോക്കിയും സമയം കളഞ്ഞു.
മൂന്നു മണിക്കൂര് താമസിച്ച് ട്രെയിനെത്തുമ്പോള് ഞങ്ങള്ക്കെടുക്കേണ്ടിയിരുന്ന connection സ്റ്റേഷന് വിട്ടിട്ടുണ്ടാകുമെന്നതിനാല് Oakland സ്റ്റേഷനില് അധികൃതര് ഞങ്ങളെ ഇറക്കി, അവിടെ നിന്നും San Jose-യ്ക്ക് പോകുന്ന Amtrak ന്റെ ബസ്സില് ഞങ്ങള്ക്കുള്ള സീറ്റു തരമാക്കിത്തരികയും ചെയ്തു. രാത്രി പതിനൊന്നരയോടെ വീട്ടിലെത്തി.
വാല്ക്കഷ്ണം: അല്പം വൈകിയെത്തിയാലും കുഴപ്പമില്ലെന്നും, വെറുതെ ഇങ്ങനൊരു യാത്രചെയ്താല് തെറ്റില്ലെന്നും, ബസ്സൊക്കെ കയറി പോകേണ്ടിവരുമെന്നും മറ്റും മനസ്സിലോര്ത്ത് കുറച്ചൊരു adventure sense കരുതി പോകുകയാണെങ്കില് ഈ യാത്ര നിങ്ങള്ക്കും ഇഷ്ടപ്പെടും. Adapt ചെയ്യാന് മടിയുള്ളവര് കാറോടിച്ചു പോകൂ!
Sunday, April 05, 2009
അഭിനവ ഓട്ടന്തുള്ളലുകളില് ഒന്ന് ഇതാ...
ഗള്ഫുമലയാളികള്ക്കു വേണ്ടി നടത്തിയത് ഇവിടെ.
“ഗ്രഹണി പിടിച്ചൊരു ചെക്കന് ചക്കക്കൂട്ടാന് കിട്ടിയ പോലേ...” നന്നായിട്ടുണ്ട് :)
Subscribe to:
Posts (Atom)
